Durrës: 240 mln lekë investim nuk zgjidhin situatën në Currila, përsëri rrëshqitje dherash
Nga OraNews Përditësimi i fundit 2 Shkurt 2021, 14:02
“Falë kësaj ndërhyrjeje të qeverisë shqiptare, këtu kemi një transformim rrënjësor, janë mbjellë 50 mijë fidanë dhe brenda një harku 2-3 vjeçar do të kemi një pamje të transformuar të një kodre të gjelbëruar dhe një larmi bimësie”
Kjo ishte deklarat e Kryeministrit Edi Rama, në Mars të Vitit 2015 kur mori pjesë në përfundimin e fazës së parë të rehabilitimit të Kodrës së Currilave.
Por, 6 vite më vonë, dhe pas një investimi që kushtoi plot 240 milionë lekë, në këtë zonë vijojnë rrëshqitjet e dherave.
Së fundmi, pemë të mëdha, dhera dhe inerte kanë zënë rrugën e Currilave, duke vënë në rrezik kalimtarë dhe bizneset që ndodhen në vijën bregdetare poshtë kodrës.
Automjetet dhe qytetarët e kanë pasur të vështirë të kalojnë.
Kodra e Currilave është një ndër zonat më të zhvilluara, vecc universitetit aleksandër moisiu një numër I madh banesash dhe biznesesh I kanë dhënë një frymë tjetër ekonomisë. Por duket se masat për mbrojtjen e tyre nuk kanë dhënë efekt
