Revolucion te Inter, klubi ndryshon emër dhe stemë
Nga OraNews Përditësimi i fundit 18 Janar 2021, 09:33
Mjaft më me “Internazionale". Duke nisur nga muaji mars Interi do të quhet "Inter Milano”.
Kjo është një nga pikat revolucionare në planin e Suning për t'u rritur në tregjet e huaja duke lidhur emrin e ekipit me atë të qytetit.
Sipas asaj që shkruan “Gazzetta dello Sport”, si emri ashtu edhe logoja historike e klubit, e projektuar në 1908 nga Giorgio Muggiani, do të tërhiqen, raporton Ora News.
Interi i së ardhmes do të njihet me shkronjat "I M", rreth të cilave do të lidhet një fushatë komunikimi në muajt e ardhshëm ("Unë jam Milano" së bashku me 113 vjetorin e themelimit të klubit në 9 Mars).
Simboli i ri do të jetë më modern, nxitur edhe nga ndryshimet te Juventus që në vitin 2017 ndryshoi gjithashtu stemë.
/a.r,OraNews
