Izolimi për shkak të Covid-19, flet detektivja: Pandemia ka rritur divorcet
Nga OraNews Përditësimi i fundit 12 Janar 2021, 09:47
Detektivja private Shkenda Lili e ftuar në emisionin "Ditë e Re" në RTV Ora ka folur për tradhëtinë ku tha se përpos femrave që duan të dinë nëse partneri i tradhëton, kohët e fundit sidomos gjatë periudhës së pandemisë janë rritur dhe kërkesat e burrave që kërkojnë të investigojnë partneren e tyre.
Ajo gjithashtu tregoi se pandemia ka rritur dhe numrin e divorceve, karantina i ka shërbyer çifteve të njohin më mirë njëri-tjetrin.
"Unë kam punuar edhe gjatë pandemisë. Pas periudhës kur kemi dalë nga karantina unë kam patur shumë punë. Sepse kanë qëndruar mbyllur dhe e kanë njohur më mirë njëri-tjetrin. E kanë kontrolluar më mirë dhe kanë lindur dyshime"- thotë Shkenda.
Të pranishëm në studio kanë qenë dhe dy avokatët Sonila Basha Deliallisi dhe Enea Cenko ku shtuan se gjatë përiudhës së karantinës dhuna në familje ka qenë e pranishme gjë e cila ka sjellë më pas dhe divorcin.
"Edhe gjatë kohës të pandemisë nuk ka ndalur telefoni. Shumë persona janë ndaluar për dhunën në familje. Sepse që këtu nis një pjesë e dovorcit që te dhuna e familjes, të paktën një pjesë e mirë e divorceve"- thotë avokati Cenko.
