Edhe Greqia vendos ndalim-qarkullimin, ja orari kur ndalohet lëvizje
Nga OraNews Përditësimi i fundit 12 Nëntor 2020, 08:20
Edhe Greqia vendos orën policore.
Ndryshe nga Shqipëria që e nis në ora 22:00, shteti fqinj ka vendosur ta nisë një orë përpara.
Sipas zv.ministrit grek të mbrojtjes Hardalias, nga nesër, 13 Nëntor, lëvizja e qytetarëve është e ndaluar në të gjithë vendin gjatë orëve të mbrëmjes dhe konkretisht pas orës 21:00 dhe deri në orën 05:00.
Njësoj si Shqipëria, lejohet lëvizja për qytetarët që shkojnë në punë apo për emergjencat.
Nga nisja e pandemisë, Greqia ka regjistruar 63,321 të prekur me Covid-19 dhe 909 viktima. Ndërsa ditët e fundit është vënë re një shtim i lartë i rasteve të reja dhe pacientëve që humbin jetën. Vetëm në 11 ditët e fundit, Greqia ka regjistruar plot 280 viktima.
/a.r, OraNews
