Akuzat e Speciales, Kryemadhi: Ata që nuk ju trembën Millosheviçit, s'ka drejtësi që ju ul dinjitetin
Nga OraNews Përditësimi i fundit 5 Nëntor 2020, 17:01
“Ata që nuk ju trembën Millosheviçit nuk ka drejtësi që mund t'i ulë dinjitetin për atë që përfaqësojnë”.
Kështu shprehet kryetarja e LSI, Monika Kryemadhi pas dorëheqjes së Hashim Thaçit dhe fluturimit të tij, Kadri Veselit e Rexhep Selimit drejt Hagës.
Përmes një reagimi në rrjetet sociale, Kryemadhi thekson bindjen e saj se, pavarësisht situatës aktuale, e drejta do të troumfojë përsëri.
“Djemtë dhe vajzat e Kosovës së pafajshme u përfshinë në një luftë të padëshiruar, e certifikuar si e drejtë nga drejtësia ndërkombëtare dhe që u kurorëzua me pavarësinë e Kosovës.
Ata që nuk ju trembën Millosheviçit nuk ka drejtësi që mund t'i ulë dinjitetin për atë që përfaqësojnë. Si edhe më parë, shpreh bindjen e palëkundur se e drejta do të triumfojë përsëri!”, shkruan Monika Kryemadhi.
