Shtyhet dialogu Kosovë-Serbi për shkak të Covid-19

Nga OraNews Përditësimi i fundit 25 Shtator 2020, 18:50

Takimi midis Kosovës dhe Serbisë, në nivel ekspertësh, i planifikuar për t'u zhvilluar të hënën (28 shtator) në Bruksel, është shtyrë për shkak të situatës së krijuar nga Covid-19.

Lajmi u bë i ditur nga përfaqësuesi i posaçëm i Bashkimit Evropian në bisedimet Kosovë-Serbi, Miroslav Lajçak, në një postim në Twitter.

Një ditë më parë, Lajçak konfirmoi se të hënën do të zhvillohej takimi midis shefave të dy ekipeve negociatore, Skënder Hyseni dhe Marko Gjuriq.

Ai ka thënë se temë e diskutimeve do të jenë pretendimet financiare dhe ato pronësore midis dy vendeve.

Lajçak nuk dha detaje se për sa kohë është shtyrë takimi i radhës.