Lleshaj tregon sa kushtoi mjeti luksoz i Ministrisë: E njoh veten, tentativat për baltosje më motivojnë

Nga OraNews Përditësimi i fundit 14 Shtator 2020, 09:32

Ministri i Brendshëm ka reaguar ashpër ndajakuzave që janë bërë në media javët e fundit ku është pretenduar se SandërLleshaj po lëviz me një makinë luksoze me vlerë 150 mijë euro. Ai e cilësonnormal çmimin me të cilin është blerë automjeti në fjalë teksa sqaron se bëhetfjalë për një vlerë tri herë më të vogël.

Lleshaj: Automjeti nuk ka kushtuar 100 milionë lekë, as 150 mijëEuro, sikundër përpiqen të infektojnë opinionin publik shpellat e dyshimtavirtuale, por vetëm 49 mijë Euro. Ky çmim, i cili është sa gjysma ose sa një etreta e atij që është hedhur në eter në mënyrë të paturpshme.

Kreu i Ministrisë së Brendshme pa folur meemra konktretë, i cilëson laro dhe tutorë ata që kanë publikuar një informaciontë tillë që sipas tij është një përpjekje kriminale për intimidim dhe përdezinformim publik.

Sandër Lleshaj thotë megjithatë se ka dijenipër urdhëruesit e këtij sulmi ndaj tij teksa shton se çështjen do ta ndjekë nërrugë gjyqësore

Lleshaj: Sigurisht që kjo tentativë për intimidim apo shantazhnuk do të mbetet pa përgjigje. Larot virtualë dhe tutorët e tyre, që mundohentë qëndrojnë në errësirë, nuk janë të panjohur. Përgjigja për ta do të jetë nërrugë ligjore dhe gjyqësore.

Lleshaj, i cili pak ditë më parë deklaroi ngaVlora se nuk do të jetë më Ministër i Brendshëm, thekson se nuk e njeh aslëkundjen, as shmangien dhe as tërheqjen nga misioni që ka marrë përsipër, icili sipas tij është për ti shërbyer Shqipërisë.

Reagimi i plotë i Leshajt në facebook

Po bëhen disa javë që disa portale ordinere dhe tutorët e tyre jo dhe aqperiferikë, po përpiqen të mbajnë gjallë tymin e një mashtrimi skandaloz.

Sipas tyre, Ministri i Brendshëm paska blerë një makinë, që herë kushton100 milionë lekë e herë arrin në 150 mijë Euro.

Aq shumë janë sforcuar për t'a përsëritur këtë mashtrim, sa ai kambërritur edhe tek disa qytetarë të nderuar, të cilët më kanë pyetur rreth tëvërtetës.

Vetëm në respekt të tyre dhe jo në përgjigje të shpellave virtuale, pobëj këto sqarime elementare:

1. Sandër Lleshaj si person ka në pronësi një automjet mëse të zakonshëm, që prej një dekade. Ai nuk e ka as të mundur dhe as ndërmend të blejë një makinë të re;
2. Për shkak të funksionit shtetëror, Ministri i Brendshëm dhe grupi i tij i shoqërimit ka në përdorim disa automjete;
3. Po bëhen disa muaj që një automjet i dalë jashtë përdorimit është zëvendësuar me një të ri;
4. Automjeti nuk ka kushtuar 100 milionë lekë, as 150 mijë Euro, sikundër përpiqen të infektojnë opinionin publik shpellat e dyshimta virtuale, por vetëm 49 mijë Euro;
5. Ky çmim, i cili është sa gjysma ose sa një e treta e atij që është hedhur në eter në mënyrë të paturpshme nga larot dhe tutorët e tyre, e bën të qartë përpjekjen kriminale për intimidim dhe për dezinformim publik;
6. Vetëm për krahasim, vlen të theksohet se vlera e automjetit të ri në përdorim të Ministrit të Brendshëm është e përafërt me vlerën e automjeteve të reja të vëna në përdorim të Policisë së Shtetit, në Tiranë dhe në të gjitha qarqet e vendit gjatë këtij viti, si pjesë e programit të modernizimit të saj.

E vërteta është kaq e thjeshtë.

Nuk ka makinë për Sandër Lleshajn, por për shtetin; nuk ka makinë 100milionëshe, por një makinë krejt normale, me çmim mëse të zakonshëm.

Sigurisht që kjo tentativë për intimidim apo shantazh nuk do të mbetet papërgjigje.

Larot virtualë dhe tutorët e tyre, që mundohen të qëndrojnë në errësirë,nuk janë të panjohur. Përgjigja për ta do të jetë në rrugë ligjore dhegjyqësore.

Me këtë rast, dua të garantoj qytetarët dhe miqtë e mi se unë nuk e njohas lëkundjen, as shmangien dhe as tërheqjen nga misioni im, që është shërbimindaj Shqipërisë.

Aq mirë e njoh veten time, sa tentativat mjerane për baltosje vetëm sa mëmotivojnë për të bërë më shumë kundër krimit, i cili ndonëse përpiqet tësofistikohet duke u bërë edhe virtual, nuk mund t'i shmanget goditjes që bëhetpërditë më e fortë.

E njoh veten time, por edhe ata aq mirë, sa sulmet e tyre më bëjnë edhetë qesh.