Mesi ka vendosur për fatin e tij, pritet të dalë në një deklaratë për shtyp
Nga OraNews Përditësimi i fundit 4 Shtator 2020, 14:44
E ardhmja e Lionel Mesit është e vështirë të mendohet larg Barcelonës.
“Sphera Sports” raporton së fundmi se superylli i futbollit ka përgatitur një deklaratë për shtyp ku do të konfirmojë qëndrimin në “Kamp Nou” deri në vitin 2021.
Ky lajm është shpërndarë nga mediat e huaja në mbarë botën.
Kërkesat e mëdha financiare të 6-herë fituesit të “Topit të Artë” duket se janë shumë të kushtueshme edhe për një klub me financa të fuqishme si Mançester Siti, i cili ka tentuar gjatë muajve të fundit ta bindë “Pleshtin” të vijë në “Etihad Stadium”.
Ditën e djeshme (3 shtator). mediat iberike raportuan se Mesi mund të ketë vendosur të qëndrojë te klubi i zemrës deri në vitin 2021, kur dhe i skadon kontrata me Barçën.
