Shqipëria i kalon 170 viktima nga Covid, 6 të vdekur dhe 101 raste në një ditë

Nga OraNews Përditësimi i fundit 3 Gusht 2020, 16:47

Shkon në 176 numri i viktimave nga koronavirusi në vendin tonë. Vetëm  në 24 orët e fundit, 6 pacientë kanë humbur jetën.

"Nuk e ka fituar dot betejën me sëmundjen, mjeku pneumolog 53 vjeçar me origjinë nga Tropoja, banues në Tiranë, si pasojë e insuficencës së rëndë respitarore, pavarësisht përpjekjeve të mjekëve të spitalit “Shefqet Ndroqi”. Fatkeqësisht një i ri 28 vjeç nga Shkodra, i shtruar prej disa ditësh në spital, me gjithë përpjekjet e mjekëve, nuk ka mundur të mbijetojë.

Ka humbur jetën edhe pas përpjekjeve të ekipit mjekësor një 68 vjeçare nga Tirana, një 71 vjeçar nga Kurbini, një 79 vjeçar nga Durrësi, me disa sëmundje bashkëshoqëruese, dhe një 77 vjeçar nga Shkodra" njoftoi Ministria e Shëndetësisë.

Ndërkohë në 474 testime të kryera për të dyshuar të prekur nga Covid 19, 101 persona janë konfirmuar të prekur nga virusi.

Shpërndarja gjeografike e rasteve pozitive ditore është si vijon: 66 raste në Tiranë, 9 në Krujë, 7 në Lezhë, 5 në Shkodër, 3 në Durrës, nga 2 raste në Korçë, Elbasan, Kavajë, nga 1 rast në Lushnje, Tropojë, Kamëz, Pogradec, Selenicë.

Në total në të gjithë vendin prej fillimit tëepidemisë janë kryer 42657 testime molekulare dhe serologjike, ndërkohë vijongjurmimi dhe hetimi epidemiologjik nga strukturat e epidemiologjisë në tëgjithë territorin.

Gjatë 24 orëve të fundit janë shëruar 13 qytetarë,duke e çuar numrin e të shëruarve në 3031, që nga fillimi i epidemisë.

2417 raste aktive rezultojnë në të gjithë vendin dhe po ndiqen nga mjekët e familjes.

Aktualisht ne spitalet Infektiv dhe "Shefqet Ndroqi"po trajtohen 122 pacientë te konfirmuar pozitiv ku 14 paciente janë në terapi intensive, 4 prej të cilëve pacientë të intubuar.

Duke bërë një bilanc të situatës epidemiologjike tëjavës që lamë pas, Dr. Flutura Beqo nga Ministria e Shëndetësisë dhe MbrojtjesSociale tha se ka pasur një rritje të numrit të të prekurve nga Covid 19 dhe meshtrime të reja në spitalin Infektiv dhe “Shefqet Ndroqi”.

"Javaqë sapo lamë, paraqiti nje shtim me 5.9% të numrit të rasteve pozitivekrahasuar me rastet e konfirmuara në javën e 30. Incidenca 7 ditore rezultoi24.66 raste pozitive për 100 mijë banore. Incidencën më të lartë e ka qarku iTiranës, ndjekur nga qarku i Durrësit dhe i Shkodrës. Sa i përket grupmoshavetë prekura % më e madhe e të infektuarve është në grupmoshat 55-64 vjeç, qëpërbëjnë rreth 20% e totalit të të prekurve.  Ndërkohë pergjatë javëve të fundit e në vijimkemi një shtim të pacientëve të dyshuar me Covid19, të cilët po marrin trajtimnë dy spitalet Covid".

Apeli për mbajtjen e maskave nuk mungoi edhe këtë të hënë.

"Ibëjmë thirrje çdo qytetari për të mbajtur maskën kudo në ambjente të mbylluraapo ku nuk ruhet diatanca, të ruani distancimin fizik dhe higjienën personale.Nëkëtë situatë të pazakontë, detyra dhe përgjegjësia e secilit është të zbatojërregullat e thjeshta, të ruajë veten dhe të afërmit".

COVID-19– Statistika (3 Gusht 2020)

Testime totale            42657

Raste pozitive             5620

Raste të shëruara         3031

Raste Aktive                2417

Humbje jete             172 (Qarku Tiranë 87, Shkodër 29,Durrës 22, Fier 9, Elbasan 6, Kukës 4, Vlorë 4, Korçë 4, Lezhë 4, Dibër 2,Berat 1)

Shpërndarjagjeografike e rasteve aktive sipas qarqeve:

Tiranë             1342

Durrës             302

Shkodër           218

Fier                  96

Vlorë               93

Lezhë              84

Korçë              78

Kukës              69

Elbasan           54

Berat               29

Dibër               28

Gjirokastër      24