Në mjerim dhe e sëmurë, nëna e 5 fëmijëve bën apel për ndihmë
Nga OraNews Përditësimi i fundit 19 Korrik 2020, 16:52
Dëshpërimi nga varfëria që ka kapluar familjen e Shkëlqim Karajt në Baldushk të Tiranës duket qartë.
Vjollca nënë e 4 fëmijëvë tregon se dhe shtëpinë që sot jetojnë ua ka ndërtuar një shoqatë, pasi të ardhurat që marrin nga shteti nuk u dalin as për bukë thatë.
"Është e vështirë sidomos tani".
Sytë e saj e përcjellin dhimbjen që ndjen. 40 vjeçarja tregon se para disa ditësh pësoi një paralizë të pjeshme që i dëmtoi gjysmën e fytyrës.
Për shkak të mungesës financiare nuk ka shkuar për tu vizituar.
"Nevojë kam, edhe vetë kam rënë në paralizë por nuk kam lekë për të shkuar."
Apeli i saj shkon për ndihmë kush të mundet pasi të ardhurat që merr nuk i mjaftojnë as për tu ushqyer e jo për nevoja të tjera.
