Një "Disneyland" edhe në Londër
Nga OraNews Përditësimi i fundit 26 Prill 2016, 13:27
Britanikët po parashikojnë të ndërtojnë një park gjigant që kushton 2.6 miliardë euro dhe që do të rivalizojë "Disneyland" në Paris. Parku i argëtimit do të ndërtohet në një zonë në brigjet e Tamizit, në afërsi të Kentit, e cila aktualisht është e shkretë.Sipas "Daily Mail", resorti që do të lançohet nga familja mbretërore kuvajtiane pritet të ndërtohet brenda vitit 2021.Parashikohet që rreth 50 mijë turistë në ditë të tërhiqen nga bukuria e këtij parku, i cili do të ketë teatro, klube muzike live, kinema, restorante, hapësira për evente të ndryshme dhe 5 mijë dhoma hoteli.Atraksioni do të ndërtohet në bashkëpunim me Paramount Pictures dhe me tema të filmave të famshëm të hollivudit si Kumbari, Titaniku apo Mision i Pamundur.Parku që pritet të çelë dyert vetëm në vitin 2021 për turistët nga mbarë bota, do të jetë një mundësi e mirë edhe për komunitetin aty pranë, pasi do të gjenerojë plot 27 mijë vende të reja pune.Pronarët e tij kanë premtuar se ky park do të jetë i pari i këtij lloji dhe të tilla përmasave në Britaninë e madhe e do të jetë njëkohësisht parku më i madh i ujit në Europë.Përveç kinemave, clubeve të natës e aktiviteteve të shumta për fëmijë e të rritur, parku do të mirëpresë këngëtarë nga e gjithë bota për koncerte të ndryshme sikurse edhe aktivitete dhe evente sportive.Punimet do të nisin në 2018, ndonëse plani është realizuar që në shkurt të 2013 por punimet u shtynë pafund. Ai do të zërë një hapësirë fillestare prej pothuajse 2 mijë metra katrorë deri në 8 mijë metra katrorë, ndonëse sërish do të jetë i vogël në krahasim me Disneyland Paris.Prezantohen për shitje plot 280 bizhu të çmuara, kryesisht gurë të çmuar nga shekulli i 19 por me dizajne bashkëkohore.
