Autobusët e Kosovës dhe të Greqisë nuk hyjnë më në Tiranë
Nga OraNews Përditësimi i fundit 26 Prill 2016, 10:59
Të gjithë autobusët që vijnë nga Kosova dhe ata që vijnë nga Greqia nuk do të hyjnë më në Tiranë duke nisur nga java tjetër. Ata do të stacionohen tek Pallati i Sportit “Partizani”.Lajmin e bëri me dije kryebashkiaku Erion Veliaj, sipas të cilit autobusët e Kosovës dhe ata të Greqisë nuk do të mund të ndalojnë më në qendër të Tiranës, por as në Bulevardin “Zogu I”.Ai tha se nga transferimet e derimëtanishme të autobusëve si tek Dogana dhe transferimet e fundit, kanë lehtësuar trafikun në kryeqytet.Veliaj: Kemi bërë gjithashtu disa ndryshime të reja. Këshilli i Ministrave i ka transferuar Bashkisë së Tiranës pallatin e sportit “Partizani” si një aset sportiv, por edhe si një hapësirë për akomodimin e autobusëve. Duke filluar nga kjo javë, autobusët e Kosovës dhe disa prej autobusëve të Greqisë do të transferohen tek Pallati i Sporteve “Partizani”. Unë e di që natyra njerëzore është e tillë që nuk kënaqet kurrë. Vetëm falë zhvendosjes tek ish-Dogana, tek terminali i përkohshëm dhe me këtë spostim, 2670 autobusë më pak hynë në Tiranë. Të 2670 autpbusët i kishit tek Teatri i Metropolit, tek Bulevardi Zogu i Parë. E di që këto autobusë nuk kanë ndonjë peshë shumë të madhe, por gurë gurë bëhet mur./Ora News/
