William dhe Kate shijojnë safari në Indi
Nga OraNews Përditësimi i fundit 13 Prill 2016, 18:13
Duka dhe Dukesha e Kembrxih, Princi William dhe Kate Middleton, vijojnë pushimet e tyre në Indi, këtë herë duke kaluar një ditë të këndshme. Çifti i famshëm mbretëror kanë bërë një tur në Parkun Kombëtar të Kaziranga.Kaziranga, që gjendet në shtetin Assam në veriperëndim të Indisë, është shtëpi e popullsisë më të madhe të rinocerontëve.Gjatë safarit të tyre, William dhe Kate panë nga afër rinocerontët si dhe kafshët e tjera të egra që gjenden në parkun në një hapësirë prej 430 km.Më pas ata biseduan edhe me zyrtarët e pyllit."U ndjemë shumë mirë që princi erdhi të vizitojë parkun. Jemi me fat që biseduam me princin, ai na pyeti rreth problemeve me të cilat ne përballemi dhe ndamë me të eksperiencën tonë" tha zyrtari i pyllit, Salim Ahmad.Rinoceronti i dobët është një specie e rrallë rinoceronti dhe është vetëm një nga 5 të tilla që ekzistojnë ende sot në botë.Sipas grupit për mbrojtjen e kafshëve, sot në botë ka më pak se 3 mijë rinocerontë. Ata gjenden më së shumti në verilindje të Indisë dhe disa qindra gjenden në fqinjin e saj, Nepal.Brenda në pyllin në Kaziranga, rinocerontët jetojnë në këneta, pyjet dhe mes gjelbërimit e barit të gjatë, larg syve të gjuetarëve ilegalë.
/Oranews.tv/
