Një ditë para Kongresit, Rama pret Ambasadorë, partitë aleate dhe delegatë
Nga OraNews Përditësimi i fundit 18 Mars 2016, 21:37
Kryeministri Edi Rama priti në një takim përfaqësues të trupit diplomatik në Tiranë, përfaqësues të partive aleate nga partitë shqiptare në rajon si dhe ish-deputetë dhe ish-drejtues të lartë të PS.Në një fjalim të shkurtër, kryesocialisti i falenderoi të pranishmit, në veçanti ish-Ministrin e Jashtëm italian, Massimo D’alema.Rama: Falënderoj në mënyrë të posaçme ata që kanë ardhur nga Kosova, nga Maqedonia, nga Mali i Zi, përfaqësues të partive politike shqiptare, mikut tonë të shtrenjtë Massimo D’alema.Në përfundim të takimit, një prej anëtarëve të PS-së E’them Ruka i pyetur nëse duhet të ketë zgjedhje për kryetar të PS dha këtë përgjigje.Ruka: Kongresi është një eveniment i rëndësishëm për një parti politike, siç është PS, aq më tepër që është në pushtet. Ju e dini që ka një statut tashmë dhe nuk keni nevojë që të më pyesni mua.Ndërsa për ish-kryetarin e Kuvendit, Servet Pëllumbi, Kongresi pritet të jetë racional dhe duhet të ketë një konfirmim të kryetarit.Pëllumbi: Do të jetë një Kongres entuziast, racional në vendimet që duhet të marrë. Do të ketë një konfirmim, nuk është themelore zgjedhja.Në mesin e debatit për demokracinë brenda partisë, kryetari PSD-së, Skënder Gjinushi, tha se tek e majta ka më shumë demokraci po ta krahasojmë me Partinë Demokratike.Gjinushi: Vlerësoj që PS në terësinë e vet ka treguar që ka demokraci të brendshme më të zhvilluar se PD, e cila ndër vite, ndër dhjetëvjeçar nuk i ka respektuar normat.
