Hynë për të grabitur Ditën e Verës, dy autorët inskenuan vrasjen si aksidentale
Nga OraNews Përditësimi i fundit 16 Mars 2016, 12:13
Policia e Elbasanit ka zbardhur vrasjen e një 56-vjeçari në fshatin Shalës pasditen e Ditës së Verës, duke arrestuar dy personat e dyshuar si autorë të vrasjes.Sipas policisë së Elbasanit Naim dhe Ilir Çekrezi 56 dhe 25 vjeç, dyshohet se janë autorë e vrasjes së B.SH pasditën e 14 Marsit. Këta dy persona hynë në banesë e 56 vjeçarit dhe e kanë vrarë me sende të forta dhe më pas kanë inskenuar edhe ngjarjen që të dukej si aksidentale. Më pas autorët i kishin grabitur 250.000 lekësh (të reja) dhe 1880 Euro.Duke u konsiderua edhe si një ngjarje aksidentale, ngjarja nuk u bë publike në media."Specialistët për Krimet e Rënda në Drejtorinë Vendore të Policisë Elbasan, në bashkëpunim me Prokurorinë e Rrethit Gjyqësor Elbasan dhe Institutin e Mjekësisë Ligjore Tiranë, bënë dokumentimin e plotë të ngjarjes së ndodhur në fshatin Shalës Cërrik, ku u gjet i vdekur ne banesë shtetasi B.SH, 56 vjeç, banues në fshatin Shalës Cërrik. Këta dy shtetas, dyshohen të kenë vrarë shtetasin B.Sh. gjatë momenteve të vjedhjes së banesës së tij dhe më pas kanë inskenuar vendin e ngjarjes, duke e bërë të dukej si ngjarje aksidentale. Por pas veprimeve hetimore të mirëfillta u arrit në konkluzionin se kemi të bëjmë me një ngjarje të rëndë kriminale, pasi viktima ishte goditur me sende të forta, të cilat i kishin shkaktuar vdekjen e menjëhershme", informon policia e Elbasanit.Po ashtu policia sqaron se gjatë veprimeve hetimore të ndjekura me metoda speciale të hetimit, rezultoi se në njërën dhomë të banesës së viktimës, autorët kishin vjedhur një sasi prej 250.000 lekësh (të reja) dhe 1880 Euro. Gjatë kontrollit të ushtruar në një ullishte, grupi hetimor ka gjetur dhe sekuestruar në cilësinë e provës materiale Rrobat e përdorura në momentin e kryerjes së krimit, 250.000 leke te reja, 1880 Eure, një aparat celular.Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale "Vjedhja me pasojë vdekjen, kryer në bashkëpunim" parashikuar nga nenet 141 dhe 25 të Kodit Penal.[caption id="attachment_700089" align="alignnone" width="640"]
Ne foto: Vendi ku autoret kishin fshehur parate[/caption][caption id="attachment_700088" align="alignnone" width="640"]
Ne foto: Vendi ku autoret kishin fshehur parate[/caption][caption id="attachment_700087" align="alignnone" width="640"]
Ne foto: Vendi ku autoret kishin fshehur parate[/caption][caption id="attachment_700086" align="alignnone" width="640"]
Ne foto: Vendi ku autoret kishin fshehur parate[/caption][caption id="attachment_700085" align="alignnone" width="640"]
Ne foto: Vendi ku autoret kishin fshehur parate[/caption][caption id="attachment_700084" align="alignnone" width="640"]
Ne foto: Vendi ku autoret kishin fshehur parate[/caption][caption id="attachment_700083" align="alignnone" width="640"]
Ne foto: Vendi ku autoret kishin fshehur parate[/caption]
