Halimi: Rama i trembet ngritjes së Byrosë, po provokon një krizë politike
Nga OraNews Përditësimi i fundit 3 Mars 2016, 08:49
Deputeti demokrat Eduard Halimi deklaroi në Ora News se kryeministri Edi Rama po provokon krizë politike në vend për të bllokuar reformën në drejtësi.Halimi: Rama po provokon një krizë politike…Halimi tha se Rama po e bën këtë pasi i trembet ngritjes së Byrosë Kombëtare të Hetimit sipas sygjerimit të Komisionit të Venecias, që sipas opozitës rrëzoi tentativën për të kapur drejtësinë.Halimi: Kjo që po bën është vetëm e vetëm për të bllokar zbatimin e Venecias 2. Kjo tregon se Edi Rama i trembet Byrosë së Hetimit. Byronë e Hetimit ai e donte po ta kishte nën Saimir Tahirin, tani që nuk e ka nën Saimir Tahirin, tani që banditët e vetë, ata që marrin tendera nuk duhet të shkojnë te Saimiri, po duhet të shkojnë tek Prokurori i Përgjithshëm. Tani thotë nuk e dua.Halimi paralajmëroi se opozita do të përshkallëzojë qëndrimin e saj duke përdorur çdo mjet demokratik për të arritur dekriminalizimin e Kuvendit.Halimi: Përshkallëzim do të thotë çdo mjet demokratik për të bërë të mundur dekriminalizimin e Parlamentit të Shqipërisë. Do të ketë përshkallëzim në mënyrë të jashtëzakonshme. Ky është një vendim që nuk i përket vetëm grupit parlamentar, është një vendim që do ti përkasë të gjitha institucioneve që kanë të bëjnë me PD, Këshillin Kombëtar, Kryesinë e me radhë që do të jetë në ditët në vijim.Halimi theksoi se opinioni final i Komisionit të Venecias përcaktoi konsensusin politik për një reformë efektive në drejtësi./Oranews.tv/
