Presidenca e BE: Hungaria ka të drejtë të mbajë referendum
Nga OraNews Përditësimi i fundit 25 Shkurt 2016, 14:48
Hungaria ka të drejtën e saj për të mbajtur referendum mbi kuotat e emigrantëve. Deklarata vjen nga Holanda, vend i cili mban presidencen e radhës të Bashkimit Europian, nëpërmjet minsitrit për emigracionin Klaas Dijkhoff. Budapesti njoftoi të mërkurën mbajtjen e referendumit për kuotat e detyrueshme të klandestinëve, të kërkuara nga Bashkimi Europian, me qëllim frenimin e fluksit dhe shpërndarjen e përgjegjësisë për krizën në të gjithë unionin."Duket se mbajtja e referedumeve është bërë mjaft popullore këto ditë dhe unë mendoj se është e drejtë e çdo vendi të mbajë referendum apo të diskutojnë zgjidhjen e problemeve të tyre të brendshme, tha Dijkhoff para gazetarëve në Bruksel para takimit të ministrave të Drejtësisë dhe të Brendshëm të BE. Dijkhoff tha se ligjet europiane nuk ndalojnë mbajtjen e referndumeve, megjithatë ai shtoi se fillimsiht duhet parë çfarë pyetjesh shtrohen në referendum, si do të përgjigjet populli dhe çfarë do të paraqesin këto vende në tavolinën europiane.Kurse Dimitris Avramopoulos tha se Evropa ndodhet në një "moment kritik"."Iniciativat e veçuara nuk çojnë askund. Tani për tani uniteti i Bashkimit Europian dhe jetët e njërëzve janë në rrezik. Shpresoj dhe pres që ministrat sot ti përgjigjen në mënyrë kolektive thirrjes time. Ky është një moment me përgjegjësi të madhe dhe koha nuk është më me ne, tha Komisioneri për Migrim.Më 7 mars BE dhe Turqia do të mbajë samitin e jashtëzakosnhëm për të frenuar fluksin e refugjatëve.
