Arti në një filxhan kafeje, ju prezantojmë baristin Jetmir Maliqi
Nga OraNews Përditësimi i fundit 25 Shkurt 2016, 10:22
Në Prishtinë të gjithë e njohin Jetmir Maliqin, djaloshin i cili bën art brenda një filxhani kafeje. Barist prej 17 vitesh vijon ta perfeksionojë këtë talent me një qëllim klientët e tij jo vetëm të shijojnë kafen por dhe të kënaqin syrin me figurën që është krijuar posaçërisht për ta. Ai realizon dhe koktej alkooli me bazë kafenë.I duhen disa minuta dhe me veglat të punës një laps dhe një xhezve brenda asaj sipërfaqe të vogël të filxhanit arrin të vizatojë portrete, natyrën, apo të sjellë në filxhan copëza të vogla jete.Idhulli i tij është Francesco Corona, barist italian kampion në Itali dhe ai nesër dëshiron të jetë një i tillë në Ballkan.
