Reduktohen lëndët për gjimnazistët, Gjuha Shqipe ndahet nga Letërsia

Nga OraNews Përditësimi i fundit 17 Shkurt 2016, 15:08

Ministria e Arsimit do të nisë një reformë në kurrikulën e arsimit të mesëm. Në vitin shkollor 2016-2017 parashikohet një reduktim në 6 lëndë për klasat e 10 dhe të 11, si dhe thjeshtimi i përmbajtjes se teskteve. Do të ketë një profilizimi të klasave të 12-ta, për ti orientuar më mirë drejt programeve të arsimit të lartë.Tirane- Lëndët e gjimnazit në vitin e ardhshëm shkollor do të jenë më të thjeshta në përmbajtje pasi pritet te reduktohet numri i programave. Numri i lëndëve të detyruara me kurrikulën e re do të zbresë nga 18 në 12 për klasat e 10 dhe të 11. Reduktime të lëndëve do të ketë dhe për maturantët.Gerti Janaqi: "Klasa e 12 ka vetëm 5 lëndë të detyrueshme ndërkohë të tjerat mund të jenë me zgjedhje. Të detyrueshme në klasën e 12 do të jenë gjuha dhe letërsia, matematika, gjuha e huaj dhe sporti.Pastaj vjen menuja me zgjedhje ku në varësi të degës që një maturant do të dojë pas 3 vitesh ai do specifikojë zgjedhjen e vet”.Testimet e kryera në arsimin bazë nga Agjensia Kombetare e Provimeve treguan nivel të lartë të gabimeve drejtëshkrimore të gjuhës shqipe dhe analfabetizmit.Për këtë arsye, autoritet e arsimit do të ndajnë lëndën e Gjuhës shqipe nga Letërsia, për ti dhënë prioritet secilit program.Nikolla: "Kjo reformë do të mësojë që tekstet e reja bashkëkohore të standarteve më të mira të jenë pjesë edhe e gjimnazit dhe ne të mundësojmë atë angazhim që kemi marrë që brenda 3 viteve në të gjithë sistemin parauniversitar e të fusim kurrikulën e re dhe tekstet e reja."Reforma e kurrikulave të arsimit të mesëm do të profilizoj maturantët sipas prirjeve dhe dëshirave për të ndjekur studimet e larta.Disa nga risitë e kurrikulës së re janë:

Ndarja e gjuhës shqipe nga letërsia
Rikthimi i traditës së filozofisë në kurrikulën bazë
Zvogëlohet mundësia e zgjedhjes në dy vitet e para të gjimnazit
Shtohet numri i orëve me zgjedhje në klasën e 12-të (mbi dhjetë orë)
Hiqet sistemi i koeficientëve për lëndët me zgjedhje
Zgjidhet më mirë raportin mes kurrikulës bërthamë dhe asaj të avancuar
Programet kurrikulare të gjimnazit mundësojnë që të shkruhen tekste shkollore më pak të ngarkuara
Modulet kurrikulare plotësojnë nevojën e nxënësve në drejtim të çështjeve prioritare të shoqërisë së shekullit XXI
/Oranews.tv/