Tenton ti çojë kanabis mikut në burgun e Peqinit, arrestohet 24 vjeçari
Nga OraNews Përditësimi i fundit 29 Dhjetor 2015, 10:50
Një i ri është arrestuar në ambientet e burgut të Peqinit, pasi ka tentuar ti japë një të dënuari lëndë narkotike.24 vjeçari, Briken Basha, banues në Lushnje u kap në kushtet e flagrancës të hënën (28 dhjetor 2015).Sipas policisë, Basha kishte shkuar në burgun e Peqinit për të vizituar një mikun e tij, të dënuarin A.B dhe gjatë kontrollit fizik të ushtruar nga punonjësit e burgut i është gjetur në xhepin e xhupit një qese plastike e tejdukshme brenda së cilës ndodhej një sasi materiali bimor i dyshuar si lëndë narkotike kanabis.Policia ka sekuestruar lëndën narkotike, ndërkohë materialet iu referuan Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe shitja e narkotikëve”.
