300 mijë lekë oficerit për të shpëtuar burgut për vjedhje energjie, arrestohet
Nga OraNews Përditësimi i fundit 29 Dhjetor 2015, 09:50
Rreth një javë pas arrestimit të oficerit të policisë gjyqësore në Shkodër për korrupsion, policia ka vënë në pranga edhe ofruesin e ryshfetit.I arrestuari është, Elvir Molla, 26 vjeç, banues në Baks-Rrjoll të Velipojës. Ai akuzohet për veprën penale të “Korrupsioni aktiv i personave që ushtrojnë funksione publike” .Prokurori me datë 21.12.2015 nr. 10898 kishte lëshuar urdhërin për ndalimin e shtetasit Elvir Molla si personi ndaj te cilit zhvillohen hetime per nenin 244 te Kodit Penal, veprën penale “Korrupsion aktiv i personave qe ushtrojne funksione publike” ne lidhje e me çështjen e njoftuar më pare të datës 21.12.2015 për ndalimin e Oficerit Policisë Gjyqësore Genc Filipi.Shtetasi në fjalë dyshohet se i ka paguar këtij oficeri shumën prej 300.000 lekësh për mbylljen e çështjes penale qe kishte ne ngarkim për “vjedhje të energjise elektrike”.Materialet i kaluan për ndjekje Prokurorisë së Rrethit Gjyqësor Shkodër për veprën penale të “Korrupsioni aktiv i personave që ushtrojnë funksione publike” në ngarkim të shtetasit Elvir Molla.
