Manjani me noterët: Kuadër ligjor për ata që parandalojnë pastrimin e parave
Nga OraNews Përditësimi i fundit 26 Nëntor 2015, 14:43
Në vijim të takimeve me institucionet në varësi të ministrisë së Drejtësisë, ministri Ylli Manjani ka zhvilluar një takim kësaj here me noterët. Ministri njoftoi se qeveria ka në plan hartimin e kuadrit ligjor të përshtatshëm për aktivizimin e shërbimit te noterisë edhe në çështjen e pastrimit të parave.Pasi është treguar mjaft i ashpër gjatë takimeve me punonjësit e hipotekave dhe të burgjeve, ministri i Drejtësisë Ylli Manjani kishte nje percaktim pozitiv për noterët.Manjani i ka cilësuar përfaqësuesit më të mirë të sistemit të drejtësisë gjatë nje takimi me ta.Manjani: Sigurisht që unë jam koshient që kemi vështirësi, sigurisht që unë jam koshient që përballë publikut duhet të shfaqemi më mirë.Por le të arrijnë edhe shërbimet e tjera tek niveli i shërbimit të noterit sot dhe unë do të isha shumë i lumtur. Ju jeni përfaqësuesit e mi më të mirë.Gjatë takimit me noterët, ministri Manjani ka paralajmëruar ngritjen e një baze ligjore për të luftuar pastrimin e parave përmes noterëve.Manjani: Do duhet ta aktivizojmë shërbimin e noterisë edhe për çështje të tjera, sidomos me çështje që lidhen me pastrimin e parave. Sepse moda e fundit është, ju e dini, iket nga zyra e noterisë dhe kush ik nga zyra e noterisë është e sigurt që bën një pisllëk.Më falni që e them këtë, por mua më rezulton kështu.Duke iu referuar numrit të madh të shqipatrëve që jetojnë në Itali, ministri i Drejtësisë u shpreh se sistemi noterial shqiptar ka nevojë për një binjakëzim për thjeshtim procedurash me atë Italian.
