Kërcënimi nga ISIS, përfaqësuesi i BE: Të gjithë bashkë kundër terrorizmit
Nga OraNews Përditësimi i fundit 19 Nëntor 2015, 09:24
Përfaqësues të BE në Shqipëri kanë dënuar sulmet terroriste në Francë, ndërsa kanë kujtuar se për të luftuar këtë të keqe të madhe, të gjithë duhet të bashkohen. Deklarata u bë nga Shkodra, ku u prezantua dhe progresraporti për Shqipërinë.“Sulmet terroriste në Paris janë një tregues sa e rëndësishme është që të gjithë të bëhemi një. Deklarata e shefit të seksionit politik, ekonomik dhe informacionit në delegacionin e BE në Shqipëri, Jan Rudolph, erdhi nga Shkodra, ku prezantoi e gjetjet e progresraportit për Shqipërinë.Jan Rudolph: Momentalisht, ngjarjet tragjike në Paris me të drejtë për momentin dominojnë axhenën e punëve të komunitetit evropian. Është e rëndësishme të përballemi e ta mposhtin këtë sfidë që ka prekur të gjitha vendet. Këto sulme kanë treguar se sa e rëndësishme është të qëndrojmë të bashkuar. Pa dyshim, që Shqipëria dhe BE qëndrojnë krah më krah në këto sfida.Përfaqësuesi i lartë i BE-së i kujtoi klasës politike se vendi nuk ka më kohë për të humbur dhe prandaj përqëndrimi maksimal duhet të jetë tek integrimi.Çelja e negociatave, përsëriti Rudolph, varet tek 5 prioritetet dhe reforma në drejtësi është fusha ku Shqipëria mbetet pas.Jan Rudolph: Çelja e negociatave për anëtarësim varet nga përmbushja e 5 prioriteteve kyëe të vendosura nga BE. Është një fushë që Shqipëria mbetet pas vendeve të rajonit dhe kjo është reforma në gjyqësor. Në rast se Shqipëria do të bëjë progresin e duhur në reformën e drejtësië, do të përshpejtojë proçesin e integrimit.Gjatë prezantimit të këtyre gjetjeve, Rudolph, shtoi se vendi nuk ka bërë hapa pas dhe ka një progres të qëndrueshëm.
