Indonezi, balonat solare për të shpërndarë internetin
Nga OraNews Përditësimi i fundit 30 Tetor 2015, 19:43
“Alphabet”, një kompani e re për Google, ka ngarkuar 3 kompani indoneziane të telekomunikacionit për të zgjeruar aksesin e internetit në vend duke përdorur një mënyrë të vecantë, me balonat solare.Zyrtarë të alphabet dhe përfaqësues të kompanive indoneziane, Telkomsel, XL Axiata dhe Indosat, kanë firmosur një marrëveshje për të implementuar në kombin me 250 milionë banorë, projektin e ashtuquajtur Projekt Loon apo “projekti i krisur”.Sipas këtij projekti, balonat solare ngrihen në lartësinë 5 mijë metra mbi tokë, për të shpërndarë nga ajri aksesin në internet përmes sinjaleve dhe frekuencave radiofonike. Në këto balona është përdorur lidhja me algoritmet për të zbuluar linjat më të mira dhe mundësinë për ta shpërndarë sa më lehtë.Projekti i krisur është pjesë e kompanisë alphabet, e cila ka eksperimentuar edhe më herët me metoda të famshme teknologjike, sic është krijimi i makinës me vetë-drejtim.Alphabet dhe partnerët e saj vendas, do të shpërndajnë qindra balona në ajër deri në vitin 2016, në mbi 17 mijë ishujt e Indonezisë, në përpjekje për të përhapur shërbimin e internetit edhe në vendet deri më sot të pamundura.Projekti i kompanisë amerikane është testuar më herët në Brazil, Zelandë të re dhe Australi.
/oranews.tv/
