Mitrovicë, nis pastrimi i urës mbi lumin Ibër dhe largimi i parkut të paqes
Nga OraNews Përditësimi i fundit 18 Tetor 2015, 08:10
Autoritetet në Kosovë thanë se që nga sot ka filluar riparimi i urës kryesore mbi lumin Ibër në Mitrovicë dhe largimi i parkut të paqes, një hapësirë e gjelbër e vendosur nga serbët e veriut të Kosovës.Largimi i parkut të paqes dhe riparimi i urës kryesore mbi lumin Ibër financohet nga Këshilli Evropian dhe është pjesë e marrëveshjes së arritur më 25 gusht ndërmjet Kosovës dhe Serbisë për normalizimin e marrëdhënieve.Sipas, marrëveshjes i gjithë projekti duhet të përfundojë deri në qershor të vitit 2016.Parku i paqes në urën qendrore mbi lumin Ibër, u vendos në qershor të vitit 2014 nga grupe qytetarësh serbë në veriun e Mitrovicës dhe nuk ishte i qarkullueshëm për automjete.Ura mbi lumin Ibër shënon edhe vijën ndarëse të Mitrovicës në veriun me shumicë serbe dhe jugun me shumicë shqiptare.
