Ndërhyn për të shuar sherrin, thikë në zemër kamarierit
Nga OraNews Përditësimi i fundit 29 Shtator 2015, 18:10
Një 24 vjeçar gjeti vdekjen pas një konflikti me thika në Elbasan.Ngjarja ndodhi rreth orës 16: 30 të 29 shtatorit, në ambientet e një picerie pranë stadiumit të qytetit "Elbasan Arena", ndërsa viktima është Gentian Bajraktari, 24 vjeç.Mësohet se i riu me origjinë nga Korça, por me banim në Elbasan, është qëlluar disa herë me thikë nga dy vëllezërit Mariglen dhe Dorian Kristo 19 dhe 25 vjeç, banues në Elbasan, të cilët janë vënë në pranga."Në bashkëpunim me njëri-tjetrin, në konflikt e sipër, kanë goditur me mjet të mprehtë (thikë) shtetasin G.B vjeç 24, banues në Korçë, i cili punonte në lokal. Menjëherë 24 vjeçari, u dërgua në Spitalin Kirurgjik Elbasan por nuk mundi ti mbijetonte plagëve të marra dhe gjeti vdekjen" informon policia e Elbasanit.Burime nga vendi i ngjarjes bëjnë me dije se vëllezërit Kristo kishin shkuar në piceri për tu konfliktuar me pronarin e picerisë.Por në konflikt ka ndërhyrë për ti ndarë Bajraktari, i cili më pas është plagosur me thikë dhe ndërroi jetë në spital. Fill pas ngjarjes policia mundi të vërë në pranga dhe dy autorët e ngjarjes.Nga hetimet paraprake të bluve, bëhet me dije se ngjarja ka ndodhur për motive të dobëta. Policia po punon për sqarimin e plotë të rrethanave të ngjarjes. [caption id="attachment_589259" align="alignnone" width="640"]
Ne foto : Pamje nga vrasja ne Elbasan[/caption] /Oranews.tv/
