700 mijë automjete të kompanisë "Seat" janë manipuluar
Nga OraNews Përditësimi i fundit 29 Shtator 2015, 15:57
Një tjetër kompani makinash që operon brenda Volksvagen grup, ka pranuar fajësinë në lidhje me skandalin që shpërtheu disa javë më parë. Fjala është për Seat, e cila pranoi se 700.000 mijë makina të sajat përmbajnë programin kompjuterik që u shmaget testeve të emetimit. Zëdhënësi i kompanisë ka bërë me dije se ka nisur puna për të llogaritur se sa prej automjeteve janë shitur në tregjet ndërkombëtare. Skandali e ka goditur rëndë grupin Volksvagen. Kjo kompani ka humbur 35% të vlerës së saj në treg që prej të Hënës së shkuar. Një vëzhgim i bankës Evercore, tregoi se 66% e aksionerëve të Volksvagen nuk do të pranojnë që të investojnë asnjë cent më shumë, në rast se kostot, gjobat dhe detyrimet nuk do të bëhen të ditura.Efektet e këtij dëmi do të bien edhe mbi ekonominë lokale të Volsburgut. Një pjesë e madhe e buxhetit të qyteti pritet të ngrijë, duke qënë se me Volksvagen lidhet një rrjet i gjërë puntorësh dhe kompanish më të vogla. Priten ende vendimet që do të merren për skandalin nga gjykatat ndërkombëtare. Situata më problematike shfaqet në Shtetet e Bashkuara të Amerikës, vend të cilit Volksvagen i detyrohet plot 18 miliardë dollar sipas përllogaritjeve. /Oranews.tv/
