Biznesi i vogël: Kontrollet e tatimorëve janë selektive
Nga OraNews Përditësimi i fundit 9 Shtator 2015, 16:07
Aksioni kundër informalitetit po vazhdon në të gjithë vendin. 34 grupe të inspektorëve tatimor në Lushnje vetëm gjatë aksionit të së mërkurës kanë mbyllur rreth 100 biznese ku u gjetën parregullsi në dokumentacion. Inspektoret tatimore gjobitën disa subjekte dhe sekuestruan mallra pa faturën e origjinës.
47 grupe kontrolli të drejtorisë rajonale tatimore në Durrës po kontrollojnë subjektet private për parandalimin e evazionit fiskal. Sipas drejtorit Ilir Sinani, gjatë kontrolleve janë konstatuar biznese të parrgjistruara, fuqi punëtore e pasiguruar dhe mallra të pashoqëruar me faturë tatimore.
Me dhjetra biznese në Lezhë kanë ulur qepenat pas nisjes së aksionit kundër informalitetit. Drejtori i tatimëve në këtë qytet Arjan Barbullushi deklaroi se vetëm në një ditë janë konstatuar 21 shkelje ndaj penalitetet janë të pashmagshme për abuzuesit.
Nga Korça kreu i shoqatës së biznesit te vogel dhe te mesem kërkoi trasparence te operacionit kundër informalitetit, ndërsa theksoi se konfiskimi i mallrave nga tatimorët është një masë që mund të çojë në falimentimin e shume subjekteve private.
Albert Nasto, kr. i shoqates se biznesit te vogel dhe te mesem: “Me keqardhje e themi, ka selektivitet. Kërkojmë me 30 ditë shtyrje dhe ky afat të fillojë nga 1 tetor për arsye sepse QKR-të dhe pajisja me kasë fiskale për bizneset e reja është e pamundur se ka fluks të madh”Shoqata e biznesit te vogel dhe të mesëm kërkon shtyrjen me rreth një muaj të afatit të regjitrimeve të bizneseve në QKR.
