Atentat me tre bomba në ndërtesën e sigurisë kombëtare në Kajro
Nga OraNews Përditësimi i fundit 20 Gusht 2015, 11:08
Një shpërthim i fortë ka tronditur orët e para të mëngjesit e sotëm më 20 gusht pjesën veriore të Kajros. Tre bomba kanë shpërthyer në ambientet e ndërtesës së Sigurisë Kombëtare dhe në një gjykatë në rrethin Shubra El-Kheima. Në Facebook është shfaqur një kërkesë hakmarrjeje e grupit me emrin “Blloku i Zi” që për momentin është në fazë verifikimi.Bilanci i të lënduarëve nga sulmi vazhdon të rritet. Në njoftimin e parë të bërë nga Ministri i Brendshëm i Egjiptit bëhej fjalë për 6 të lënduar, të gjithë agjentë policie, por më pas shifra shkoi në 20, siç është raportuar nga Ministria e Shëndetësisë.Qershorin e vitit të kaluar mbeti i vrarë në një atentat Prokurori i Përgjithshëm i Egjiptit.Rrëfimet e dëshmitarëve flasin për britma të mëdha të dëgjuara në disa lagje të qytetit. Shpërthimi i fortë ndodhi rreth orës 2 të mëngjesit dhe sipas njoftimitt të ministrit të brendshëm egjiptian, “një persona papritmas ndaloi makinën e tij para ndërtesës së sigurisë kombëtare, doli jashtë dhe u arratis me një motor”. Kjo ngjarje ndodhi pak pas shpërthimit. Dëshmitarët okularë thanë se ndërtesa u shkatërrua pjesërisht.Sipas pretendimit që është shfaqur në facebook-un e grupit revolucionar “Blloku i Zi”, atentati ndodhi me qëllim lirimin e të gjithë të burgosurve politikë “ndaj të cilëve nuk ka akuza” sipas tyre.Shpërthimet ndodhën 48 orë pas ligjit të ri të miratuar nga presidentit Abdel Fattah kundra terrorizmit.
