Ish Ambasadorja e SHBA kërcen vallen ‘Deri të Molla e Kuqe kufiri i Kosovës…’
Nga OraNews Përditësimi i fundit 12 Gusht 2015, 07:31
Ish-Ambasadorja e SHBA Tracey Ann Jacobson ka vallëzuar nën tingujt e një kënge shqiptare, videoja e së cilës është postuar në rrjetet sociale nga një shqiptaro-amerikan, ndërsa gazeta Express e ka sjellë atë të plotë.
Harry Bajraktari, biznesmeni i njohur shqiptar në SHBA, kishte organizuar një pritje të madhe në fshatin Vranoc të Pejës për nder të 4 Korrikut, Ditës së Pavarësisë së SHBA. Aty kanë qenë të ftuar ministra, deputetë, kongresmeni Eliot Engel, por edhe Ambasadorja e SHBA’së në Kosovës, Tracey Ann Jacobson me bashkëshortin e saj.
Pas fjalimeve politike, Ambasadorja amerikane ka dalë të vallëzojë. Ka rastisur që kënga me të cilën ka vallëzuar Ambasadorja të jetë një këngë jo aq e përshtatshme për një diplomate. Bëhet fjalë për këngën “Deri të Molla e Kuqe kufiri i Kosovës…”
Videoja është hedhur në Youtube nga vetë Harry Bajraktari.
