Vrau ish të dashurën dhe partnerin e saj të ri, hapet proçesi gjyqësor i Dritan Demiraj
Nga OraNews Përditësimi i fundit 16 Korrik 2015, 09:48
Sot u hap proçesi gjyqësor i bukëpjekësit shqiptar, Dritan Demiraj, të akuzuar për vrasje të dyfishtë, në Gjykatën e Riminit, raportojnë mediat italiane.29-vjeçari shqiptar akuzohet se ka vrarë ish të dashurën, Lidia Nusdorfi dhe partnerin e saj të ri, Silvio Mannina.Demiraj e goditi të dashurën e tij disa herë me thikë në stacionin Mozzate, në provincën Como. Vetëm një ditë më parë, bukëpjekësi shqiptar kishte vrarë edhe partnerin e ri të ish të dashurës së tij, Silvio Mannina, kufoma e të cilit u gjet në moçalin e liqenit Azzurro në Santarcangelo.Sëbashku me Demirajn, janë ngritur edhe akuza kundër xhaxhait të tij, 60-vjeçarit, Sadik Dine, dhe e dashura e re e 29-vjeçarit, Monica Sanchi.Pjesë të proçesit gjyqësor janë edhe fëmijët e Lidias, njërin nga të cilët e ka pasur me Demirajn, motra e Lidias, si dhe prindërit dhe motra e Silvio Mannina-s. Sipas familjarëve të Silvios, ky i fundit është vrarë vetëm për arsye se ka pasur lidhje me Lidian. Avokati i Dritan Demirajt për të mbrojtur 29-vjeçarin, ka përmendur edhe kodin e Kanunit, sipas të cilit tradhëtia është diçka që duhet të lahet me gjak.
