SHBA, e shqetësuar nga pirateria kibernetike kineze
Nga OraNews Përditësimi i fundit 12 Mars 2013, 08:25
Këshilltari i Sigurisë Kombëtare të Shteteve të Bashkuara, Tom Donilon ka deklaruar se pirateria kompjuterike është një sfidë në rritje në marrëdhëniet SHBA-Kinë.Donilon i tha Shoqatës së Azisë në Nju Jork të hënën se shqetësimet për sigurinë kibernetike kanë dalë në krye të rendit të ditës në marrëdhëniet me Kinën. Ai tha se pirateria e zakonshme, tashmë është kthyer në vjedhje të sofistikuar me shënjestër biznesin dhe informacion e fshehtë teknologjik të kompanive amerikane.Këshilltari Donilon theskoi se autoritetet kineze duhet të njohin rëndësinë e problemit, të ndërmarrin hapa seriozë për të hetuar dhe ndaluar vjedhje të tilla, dhe të zhvillojnë bisedime me SHBA-në lidhur me sjelljen e pranueshme në hapësirën kibernetike.Disa kompani të mëdha amerikane të teknologjisë, duke përfshirë Apple, Facebook dhe Twitter, u sulmuan në fillim të këtij viti. New York Times, Wall Street Journal dhe gazeta Washington Post gjithashtu thonë se ishin sulmuar nga piratë elektronikë.
