Tahiri: Kemi mbështetjen e FBI-së në hetimet për shpërthimet me tritol
Nga OraNews Përditësimi i fundit 21 Shkurt 2015, 22:31
Hetimet me sulmet me tritol duke përfshirë edhe sulmet të familjes së ministrit Tahiri po hetohen edhe nga FBI. Dklarata është dhënë në një intervistë për "Zërin e Amerikës" vetë ministri i Brendshëm, Saimir Tahiri, i cili u shpreh në të njëjtën linjë me Prokurorin e Përgjithshëm se shumë shpejt autorët do të jenë para drejtësisë.Zëri i Amerikës: Takimi që ju patët me FBI-në këtu në Uashington a pati lidhje të drejtpërdrejtë me hetimet që po bëhen tani?Saimir Tahiri: "Nuk ka lidhje të drejtpërdrejtë, sepse edhe në hetimet që po zhvillojmë tani e kemi asistencën e partnerëve ndërkombëtarë dhe konkretisht FBI-së. Por takimi që zhvillova në zyrat qendrore me drejtuesit më të lartë të FBI-së, po kështu edhe në departament të shtetit, në departamentin e drejtësisë, në Byronë kundër terrorizmit apo në departamentin e luftës kundër drogës shtruan bazën mbi të cilën do të ngrihet një partneritet shumë më i qëndrueshëm."Për sfidën e policisë në luftën ndaj trafikut të drogës Tahiri foli për rezultate të pakrahasueshme me qeverinë e shkuar.Saimir Tahiri: Tregues është shkalla e besueshmërisë së publikut tek institucionet dhe tek policia e shtetit. Unë do të dëshiroja që me këtë çelës të lexohej edhe puna e institucioneve dhe e policisë lidhur me luftën kundër krimit të organizuar. Mos harroni që deri para pak kohësh Shqipëria ishte një vend i zhytur në drogë. Vetëm vitin e kaluar ne arritëm rezultate që ishin fare të pamendueshme kundër drogës, po t'i krahasoni edhe me tetë vitet e kaluara të mbledhura bashkë.Ministri i Brendshëm pranoi se numri i shqiptarëve që bëhen pjesë e luftës për xhihad përkrah militantëve në Siri është rritur, por ai garantoi se shteti shqiptar ka nisur një betejë për ti vënë fre këtij fenomeni.
