KE pro taksës së re të transaksioneve financiare
Nga OraNews Përditësimi i fundit 24 Tetor 2012, 13:24
Komisioni Europian mbështet planin e 10 vendeve për zbatimin e taksës së re të transaksioneve financiare, si një mënyrë ndihmese për mbledhjen e fondeve në ndihmë të daljes nga kriza e eurozonës.Mes vendeve që pritet të nisin zbatimin e taksës, për të cilën është rënë dakord në fillim të vitit nga liderët europianë, janë edhe Franca, Gjermania, Italia dhe Spanja. Ato kërkojnë të ecin përpara me planin e tyre, pasi nuk mundën të kenë mbështetjen e të gjitha anëtarëve të Bashkimit Europian.Ndërkohë Britania e Madhe vazhdon të jetë një zë kundër pasi sipas kryeministrit devid Kamerun kjo taksë do të godasë më së shumti bankat e Londrës.Përveç vendeve nismëtare taksa e re ka mbështetjen edhe të Austrisë, Belgjikës, Greqisë, Portugalisë, Sllovakisë dhe Sllovenisë.Kreu i Komisionit Europian Hoze Manuel Barroso tha se ishte i kënaqur nga vendosmëria e treguar prej vendeve për të marrë pjesë në taksën e përbashkët të transaksioneve."Kjo taksë lidhet me drejtësinë kemi nevojë të ndajmë në mënyrë të barabartë kostot e krizës, edhe për sektorin financiar e jo vetëm për qytetarët e thjeshtë",- tha Barroso.Sipas kreut të Komisionit Europian kjo taksë mund të mbledhë miliarda euro, të domosdoshme për vendet e eurozonës, në kohë të tilla të vështira.
