Maqedoni, testim shtesë psiqik zyrtarëve që mbajnë armë
Nga OraNews Përditësimi i fundit 30 Janar 2015, 13:00
Të gjithë personat zyrtar në Maqedoni që posedojnë armë zjarri do të duhet ti nënshtrohen testeve plotësuese psikiatrike dhe psikologjike. Këtë e ka informuar zëdhënësi i Qeverisë, Aleksandar Gjorgjiev.“Me qëllim të përmirësimit të sistemit të prevenimit të dhunës, personat zyrtar që posedojnë armë përveç kontrolleve të rregullta sistematike, do të detyrohen ti nështrohgen edhe testeve dhe kontrolleve plotësuese psikologjike dhe psikiatrike”, theksoi Gjorgjiev, duke shtuar se këtu përfshihen policët, ushtarët dhe ushtarakët e tjerë dhe persona të tjerë zyrtar.Sipas tij, psikologët dhe psikiatrët duhet të japin raporte për gjendjen psiqike të zyrtarit. Ndryshimi i ligjit për posedim të armëve nga personat zyrtar vjen pas dy incidenteve me armë zjarri të shkaktuara nga persona zyrtar, pjesëtarë policie dhe ushtarak./ina/
