"Java e aventurës" në Shqipëri, sytë e medias botërore në Llogara
Nga OraNews Përditësimi i fundit 30 Gusht 2014, 13:47
Vlorë - Ministrja e Zhvillimit Urban dhe Turizmit, Eglantina Gjermeni, ishte e pranishme në çeljen e takimeve të biznesit mes 18 agjencive turistike vendase, të specializuara kryesisht në turizmin e aventurës dhe 15 agjencive turistike ndërkombëtare.Ato mbërritën në vendin tonë, në kuadër të “Javës së Aventurës në Ballkanin Perëndimor”, aktivitet që organizohet për herë të parë në tre vende të rajonit Kosovë, Shqipëri dhe Maqedoni.Aktiviteti u zhvillua të premten e 29 gushtit në Kompleksin Turistik Llogara, ku i pranishëm ishte Ambasadori i Shteteve të Bashkuara në Tiranë, Alexander Arvizu dhe disa media prestigjoze ndërkombëtare të udhëtimit të aventurës, nga Suedia, Shtetet e Bashkuara dhe Kanadaja, pjesë e turit në Shqipëri, që nisi më 28 Gusht dhe do të përfundojë më 31 Gusht.Në fjalën e saj, Ministrja Eglantina Gjermeni u uroi mirëseardhjen të pranishmeve dhe vuri theksin tek bukuritë natyrore të Shqipërisë, trashëgimia kulturore dhe historike dhe veçanerisht mikpritja shqiptare, por edhe tek rëndësia e këtyre takimeve të biznesit për promovimin e turizmit.Ambasadori i Shteteve të Bashkuara në Tiranë, Alexandër Arvizu vlerësoi bukuritë natyrore të Shqipërisë dhe tha se turizmi është shumë i rëndësishëm për rritjen ekonomike tëvendit.Më pas, Ministrja Gjermeni, Ambasadori Alexander Arvizu dhe Drejtoresha e Agjencisë Kombëtare tëTurizmit, Julinda Dhame, zhvilluan një konferencë për shtyp me përfaqesuesit e mediave të huaja si “Outside Magazine”, “Yahoo Travel” “Adventure Travel News”, etj.Gjatë fjalës për mediat ndërkombëtare dhe vendase, Ministrja Gjermeni theksoi rëndësinë e bashkëpunimit mes sektorit publik dhe atij privat për zhvillimin e turizmit, vendosjen e standarteve në fushën e turizmit, zgjatjen e sezonit turistik përgjatë vitit dhe bashkëpunimin me vendet e rajonit, përmes paketave e përbashkëta turistike.Në vëmendjen e Ministrisë së Zhvillimit Urban dhe Turizmit është edhe turizmi aventurës, një produkt i rëndësishëm në promovimin e bukurive natyrore të Shqipërisë.“Java e Aventurës” në Shqipëri organizohet për herë të parë nga Agjencia Kombëtare e Turizmit në bashkëpunim me Programin Rajonal të USAID-it dhe Shoqatën e Udhëtimit të Aventurës dhe Tregtisë ATTA, një shoqatë e njohur për eksperiencën e gjërë nëudhëtimin e aventurës me më shumë se 900 anëtarë në 80 vende të botës.“Java e Aventurës në Ballkanin Perëndimor”, ishte një aktivitet i shtrirë përgjatë 9 ditëve në Kosovë, Shqipëri dhe do të përmbyllet në Maqedoni./nzh/oranews online/
