Skocia e pavarur? Cameron-Salmond, marrëveshje për referendum
Nga OraNews Përditësimi i fundit 16 Tetor 2012, 10:47
Kryeministri britanik, David Cameron i dha dritën jeshile kërkesës së partisë separatiste skoceze për mbajtjen e një referendumi pavarësie në vjeshtën e vitit 2012. Gjatë një takimi me Ministrin e Parë skocez, Alex Salmond në Edinburg, Cameron firmosi me të një marrëveshje që lejon mbajtjen e referendumit.Në paktin e nënshkruar nga dy palët, parashikohet që në referendum të përfshihen vetëm dy alternativat “Po” ose “Jo” që do t`i përgjigjen pyetjes nëse votuesit janë dakort me shkëputjen nga Britania e Madhe. Gjithashtu, marrëveshja lejon votimin e personave që kanë mbushur 16 vjeç ditën e mbajtjes së referendumit. Referendumi pritet të zhvillohet në vjeshtën e vitit 2014 dhe ishte një nga premtimet elektorale të kreut të partisë separatiste skoceze, SNP Alex Salmond.Në një deklaratë për BBC pas firmosjes së marrëveshjes, kryemininistri brianik, David Cameron tha se kishte marrë vendimin më të mirë për skocezët dhe për gjithë Mbretërinë e Bashkuar.Skocia përfshin një terren kryesisht malor në veri të Anglisë me një popullsi rreth 5 milion e 200 mijë banorë. Nga sondazhet e deritanshme zërat për pavarësi dhe ata kundër saj, janë thuajse të barabartë, megjithatë do të jetë 2014-ta ajo që do të vendosë nëse Skocia do të jetë e pavarur pas 3 shekujsh nën Mbretërinë e Bashkuar.
