Pason të ëmën, 24 vjeçari nis karrierën politike në përvjetorin e 5-të të Benazir Bhutto
Nga OraNews Përditësimi i fundit 27 Dhjetor 2012, 19:18
Djali i ish kryeministres pakistaneze, Benazir Bhutto, e ka filluar sot karrierën e tij politike në përvjetorin e pestë të vrasjes së nënës së tij.24 vjeçari Bilawal Bhutto Zardari i është drejtuar një turme prej mijëra njerëzve, të cilët ishin mbledhur në mauzoleun e familjes Bhutto në provincën Sindh.Në fjalimin e tij Bilawal, duke qëndruar së bashku me babanë e tij, Asif Ali Zardari, që është presidenti i Pakistanit, ka premtuar vazhdimin e luftës kundër atyre që ai i cilësoi si “forca antidemokratike”.Biwal Bhutto Zaradari është bashkëkryesues i Partisë Popullore të Pakistanit dhe ende është i ri për të marrë pjesë në zgjedhjet kombëtare, që pritet të mbahen vitin e ardhshëm.Ai në krye të partisë erdhi pas vrasjes së nënës së tij, në sulmin me bombë në vitin 2007, por deri tash ka luajtur rol në prapavijë, pasi i ka kryer studimet universitare në Britani.
