Merkel shuan shpresat e vendeve aspirantë, në BE vetëm Kroacia
Nga OraNews Përditësimi i fundit 13 Dhjetor 2012, 22:12
Kancelarja gjermane, Angela Merkel ka deklaruar sot se Bashkimi Evropian nuk është në gjendje për të pranuar anëtare të reja në një të ardhme të afër, përveç Kroacisë.Ajo këtë e ka theksuar në një fjalim pranë Bundestagut gjerman, në kuadër të Samitit të dhjetorit të BE-së.“Bashkimi Evropian në këtë moment nuk do të sjellë vendime për fillimin e negociatave paraqasëse me vende tjera. Sipas mendimit tonë, për këtë akoma nuk është koha”, ka deklaruar kancelarja gjermane, duke përjashtuar anëtarësimin e Kroacisë, sigurisht nga mesi i vitit 2013.Ajo ka porositur se në të ardhmen me kujdes më të mëdha se deri tani do të verifikohet se vendet kandidate për anëtarësim a i plotësojnë standardet e BE-së, sidomos në planin ekonomik dhe rreth çështjeve të konkurrencës.Shqipëria, Maqedonia, Serbia ishin tre vendet e BE-së që morën sinjale negative në takimin e ministrave të jashtëm të BE-së gjatë kësaj jave.
