Ashton "shpërblen" Serbinë, rekomandon hapjen e negociatave me BE

Nga OraNews Përditësimi i fundit 17 Dhjetor 2013, 09:15

Shefja për politikë të jashtme në BE, Catherine Ashton sot, para shefave të diplomacive të vendeve të BE do të raportojë se Serbia ka plotësuar të gjitha kushtet për fillimin e negociatave."Ashtu siç kam bërë edhe në qershorin e shkuar dhe ashtu siç tregon ky raporti, sot ju ftoj të pranoni se Serbia i ka përmbushur të gjitha pikat thelbësore të Marrëveshjes së Prillit (të Brukselit)”, shkruhet në fjalimin që Ashton e ka përgatitur për takimin e sotëm të Këshillit për Punë të Përgjithshme në Bruksel sipas Tanjug."Nëse e aprovoni këtë konstatim, shpresoj se do të jemi dakort edhe që konferenca e parë ndërqeveritare zyrtarisht të hapet me Serbinë deri janarin e vitit 2014", porosit Ashton.Në dokumentin pesë faqesh në të cilin përshkruhet përparimi në zbatimin e Marrëveshjes së parë për normalizim marrëdhëniesh Beograd–Prishtinë në detaje përshkruhet e gjithë ajo që është arritur deri më tani në shumë fusha, filluar nga mbajtja e zgjedhjeve lokale deri te policia e funksionimi i vendkalimeve të integruara kufitare (IBM).Lidhur me gjyqësorin, Ashton ka thënë se "ka mjaft punë rreth gjykatës në rajonin e Mitrovicës dhe se do të caktohet numri i saktë i kuadrove gjyqësore në atë gjykatë”."Në Kosovë do të ekzistojë një Gjykatë supreme dhe një e Apelit e në Mitrovicë një Gjykatë themelore dhe një prokuror themelor në të cilin kuadrot gjyqësore serbe do të integrohen përgjithmonë në gjyqësinë kosovare", shkruan në raport Ashton."Nga kjo që u tha, është qartë se Serbia ka përmbushur të gjitha detyrimet kryesore, sidomos me atë që ka pranuar edhe një prokuror themelor për rajonin e Mitrovicës”, ka thënë Ashton."A do të thotë kjo se puna është kryere e rasti është mbyllur? Natyrisht se jo”, ka thënë Ashton dhe ka konstatuar se normalizimi nuk mund të bëhet brenda natës dhe se duhet kohë që të realizohet e tërë Marrëveshja."Do të vazhdoj që me të dy palët të punoj në zhvillimin e mëtejmë të këtij procesi, thotë Ashton, fund të këtij raporti.Lidhur me pushtetin e gjyqësorit, sot në Bruksel takohen grupet e ekspertëve të Kosovës e të Serbisë. Ndërkohë që po sot do të jetë edhe përgjigjia përfundimtare për datën e fillimit të negociatave BE-Serbi.