Trazirat në Ukrainë, ish-presidentët mbështesin protestat
Nga OraNews Përditësimi i fundit 4 Dhjetor 2013, 20:49
Tre ish-presidentë të Ukrainës post-sovjetike mbështesin manifestimet anti-qeveritare që po ndodhin aktualisht në vend.Leonid Kravchuk, Leonid Kuchma dhe Viktor Yushchenko shprehin solidaritet me manifestimet paqësore, sipas faqes së internetit të forcës politike së Yushchenkos.Dhjetëra mijëra protestues kanë rrethuar institucionet qeveritare në Kiev gjatë ditëve të fundit, të revoltuar nga vendimi i ligjvënësve për të hedhur poshtë një marrëveshje të tregtisë së lirë me Bashkimin Europian, kushtëzuar me lirimin e ish-kryeministres së burgosur Tymoshenko.Sipas opozitës dhe manifestuesve, autoritetet janë duke iu nënshtruar presionit rus, që e konsideron vendin nën sferën e tij të influencës dhe që në këmbim të refuzimit të ofertës së BE-së i ka ofruar Ukrainës pjesëmarrjen në një zonë të tregëtisë së lirë që Rusia ka krijuar së bashku me Bjellorusinë dhe Kazakistanin."Ne shprehim solidaritet me protestat civile të qindra mijëra të rinjve ukrainas", shkruhej në deklaratën e përbashkët të tre ish-presidentëve, që gjithashtu dënonin përdorimin e tepruar të dhunës kundër manifestuesve.Kryeministri i Ukrainës i ka paralajmëruar protestuesit anti-qeveritarë t’i japin fund tensioneve në rritje, ndërkohë që vende të tjera dhe grupe të të drejtave të njeriut kanë shprehur shqetësim lidhur me masat shtypëse të policisë ndaj demonstruesve.Kryeministri Mykola Azarov tha sot gjatë një takimi të kabinetit se qeveria po tregon tolerance dhe paralajmëroi se personat që thyejnë ligjin do të ndëshkohen. Ndërkohë, në një deklaratë të bërë gjatë të mërkurës, ministri i Jashtëm i Rusisë, Sergei Lavrov, paralajmëroi NATO-n kundër ndërhyrjes në Ukrainë.NATO kishte dënuar më parë përdorimin e tepruar të forcës kundër protestuesve pro-europianë në Ukrainë.
