Konflikti në Gaza, Ban Ki Moon bën thirrje për qetësi

Nga OraNews Përditësimi i fundit 19 Nëntor 2012, 07:54

Sekretari i përgjithshëm i OKB-së  Ban Ki Moon ka bërë thirrje për një armëpushim të menjëhershëm mes Izraelit  dhe Gazës, ndërsa sulmet kanë hyrë në ditën e gjashtë.Ban Ki-Mun tha se do të shkojë në  Kajro për t'u bashkuar me bisedimet në lidhje me një armëpushim të mundshme. E diela ishte  dita me e  përgjakshme e ndërsa Izraeli njoftoi se po godet shtëpitëtë  e militantëve të Hamasit. Tetëdhjetë e gjashtë palestinezë dhe tre izraelitë kanë vdekur në gjashtë ditë luftime.Ushtria izraelite tha se kishte në shënjestër rreth 80 vende gjatë natës, duke përfshirë edhe ndërtesat e  militantëve, vendet e magazinimit të   armëve stacionet e policisë.Burime palestineze thanë 18 njerëz ishin vrarë në sulmet. Kryeministri izraelit Benjamin Netanyahu tha të dielën se ishte i gatshëm të zgjerojë operacionin, pasi Izraeli ka  autorizuar mobilizimin e deri në 75.000 rezervistë të ushtrisë.Presidenti egjiptian Mohamed Mursi ka thënë sulm i izraelit në  terren do të ketë "pasoja serioze", duke thënë se Egjipti nuk do ta pranojnë atë "dhe as do bota e lirë". Lidhja Arabe, i cili u takua në seancën urgjente në Kajro të dielën, do dërgojë një delegacion të ministrave të jashtëm të martën në gaza.Ndërkohë  presidenti Barak Obama thotë se përpjekjet për të zgjidhur konfliktin më të fundit mes Izraelit dhe grupit ekstremist palestinez, Hamas, duhet të fillojnë me ndaljen e sulmeve të ekstremistëve ndaj territorit izraelit.Obama i bëri komentet  gjatë vizitës në kryeqytetin tajlandez, Bankok. Presidenti ritheksoi mbështetjen amerikane për atë që e cilësoi si e drejta e Izraelit për t'u vetëmbrojtur nga raketat që hidhen nga Gaza drejt banesave izraelite.Obama  tha se do të ishte skenari më optimal, nëse sulmet me raketa ndalin para se të shkallëzohet më tej ofensiva pesë ditore izraelite kundër ekstremistëve në Gazë. Ai tha se gjatë ditëve të fundit kishte biseduar disa herë me udhëheqës të Izraelit, Egjiptit dhe Turqisë në përpjekje për arritjen e këtij qëllimi.