Banorët e Rrjollit rikthehen në tokat e të parëve, protestë me drekë simbolike pranë zonës së ndërtimit
Nga OraNews Përditësimi i fundit 23 Maj 2026, 17:14
Banorët e Rrjollit kanë zhvilluar këtë të shtunë një protestë simbolike pranë zonës ku po ndërtohet një resort turistik nga biznesmeni Bashkim Ulaj.
Në shenjë proteste, ata janë mbledhur në tokat që pretendojnë se u përkasin dhe kanë ngrënë drekë së bashku, duke e cilësuar këtë si një mënyrë për të treguar lidhjen e tyre me pronën dhe territorin.
Banorët shprehen se ndërtimi po bëhet në toka që sipas tyre janë marrë përmes dokumenteve të falsifikuara.
Ata thonë se kanë protestuar disa herë që nga muaji shkurt, por ende nuk është gjetur një zgjidhje për problemin.
Ndërkohë, çështja e pretendimeve për tjetërsim pronash po hetohet nga Prokuroria e Shkodrës.
