Shqiptari kapet me 500 mijë euro kesh në doganën e Maqedonisë së Veriut
Nga OraNews Përditësimi i fundit 20 Maj 2026, 16:23
Dogana e Maqedonisë së Veriut ka sekuestruar 500 mijë euro cash të fshehura brenda një minibusi në pikën kufitare “Tabanoc”.
Mediat fqinje raportojnë se automjeti ishte nisur nga Shqipëria dhe në drejtimin e tij, ka qenë një shtetas shqiptar me iniciale XH.G.
Ndaj tij kanë nisur hetimet sipas ligjit maqedonas, ndërsa minibusi dhe paratë janë konfiskuar.
Shuma ishte fshehur në një strukturë metalike të improvizuar në pjesën e shkallëve të brendshme të minibusit.
