BE DISKUTON SHQIPËRINË NESËR/ Andoni: Problemet mes vendeve po kthehen në pengesë për integrimin
Nga OraNews Përditësimi i fundit 18 Maj 2026, 15:52
Analisti, Ben Andoni në një lidhje direkte për Ora News ka folur për marrëdhëniet mes Shqipërisë dhe Greqisë dhe ndikimin që ato kanë në procesin e integrimit europian të vendit.
Sipas tij, problemet dypalëshe mes vendeve shpesh dalin në mënyrë publike dhe përdoren si pjesë e diskutimeve politike në kuadër të procesit të anëtarësimit në Bashkimin Europian.
“Problemet që janë mes vendeve shpesh nxirren në publik dhe lidhen me procesin e integrimit, duke u kthyer në pengesa në rrugën e vendeve që synojnë BE-në.”-tha Andoni.
Ai përmend se në rastin e Shqipërisë, një nga çështjet më të diskutuara me Greqinë lidhet me pronat e minoritetit, por sipas tij, kjo nuk është e vetmja temë që përdoret në raportet mes dy vendeve.
“Çështja e pronave ngrihet shpesh, por në kohë mund të shtohen edhe elementë të tjerë, duke e bërë më të vështirë procesin dhe duke kërkuar lëshime nga pala shqiptare.”-u shpreh analisti.
Analisti e lidh situatën edhe me procesin e ardhshëm mes dy vendeve në Gjykatën Ndërkombëtare për kufirin detar, që sipas tij mund të ndikojë në rritjen e tensioneve diplomatike.
Ai shton se vendet që kanë kaluar procesin e anëtarësimit në Bashkimin Europian kanë bërë lëshime të rëndësishme në çështje të ndryshme.
NDIQNI INTERVISTËN E PLOTË NË ORA NEWS:
