Rritet prania detare ruse në Baltik/ Berlini: Aktivitet i shtuar i flotës në pika strategjike
Nga OraNews Përditësimi i fundit 13 Maj 2026, 18:40
Forcat detare ruse janë vendosur në disa pika strategjike në Detin Baltik, sipas një zëdhënësi të qeverisë gjermane.
Ai tha në një konferencë për shtyp se është vërejtur një rritje e pranisë së marinës ruse në këtë zonë.
Sipas tij, kjo lëvizje mund të lidhet edhe me aktivitetin e shtuar të NATO-s në rajon, përfshirë praninë e anijeve luftarake si shkatërrues dhe fregata.
Po ashtu u përmend edhe e ashtuquajtura “flota në hije” e Rusisë, që sipas vlerësimeve mund të jetë pjesë e kësaj dinamike detare.
Megjithatë, nga pala gjermane u bë e ditur se deri tani situata po shihet si aktivitet normal dhe nuk ka arsye për shqetësim.
