(VIDEO) Protestë e dh*nshme në qendrën e azilit në Holandë/ Rreth 15 azilkërkues u rrezikuan nga tubimet

Nga OraNews Përditësimi i fundit 13 Maj 2026, 17:24

Një zjarr ka shpërthyer në një qendër azili në Holandë, gjatë një proteste kundër emigrantëve në zonën e Loosdrecht.

Sipas mediave lokale, rreth 400 persona janë mbledhur pranë qendrës së azilkërkuesve, ndërsa situata është tensionuar kur disa protestues kanë hedhur fishekzjarre drejt shkurreve përpara godinës, duke shkaktuar zjarr.

Raportohet se në fillim protestuesit kanë penguar ndërhyrjen e zjarrfikësve, ndërsa më pas policia ka ndërhyrë me forca speciale për të shpërndarë turmën.

Brenda ndërtesës në momentin e ngjarjes ndodheshin 15 azilkërkues, të cilët nuk kanë pësuar lëndime.

Autoritetet holandeze e kanë cilësuar incidentin si të rëndë dhe kanë nisur hetimet për zbardhjen e plotë të rrethanave.