(VIDEO) Përmbytje të fuqishme në Samsun të Turqisë/ 12 të plag*sur dhe lagje të tëra nën ujë

Nga OraNews Përditësimi i fundit 13 Maj 2026, 17:07

Në provincën veriore të Samsunit në Turqi, të paktën 12 persona janë plagosur si pasojë e përmbytjeve të shkaktuara nga shirat e rrëmbyeshëm.

Sipas agjencisë shtetërore Anadolu, reshjet e forta kanë bërë që përrenjtë të dalin nga shtrati, duke përmbytur shtëpi, biznese dhe rrugë. Në disa zona, uji ka marrë edhe automjete.

Ekipet e emergjencës po punojnë në terren për pastrimin e baltës dhe mbetjeve që kanë mbuluar rrugët dhe lagjet e prekura.

Autoritetet lokale bëjnë me dije se personat e plagosur janë dërguar në spital dhe ndodhen jashtë rrezikut për jetën.

Për shkak të situatës, shkollat në distriktin Havza janë mbyllur përkohësisht.

Guvernatori i Samsunit, Orhan Tavli, ka bërë të ditur se katër lagje janë përmbytur brenda pak minutash pas reshjeve të forta të së dielës në mbrëmje.