VIDEO/ PANIK NË TIRANË! Alarm për bombë, evakuohet qendra tregtare "Toptani". Policia thotë se sinjali i erdhi në email shtetasit ...
Nga OraNews Përditësimi i fundit 25 Prill 2026, 21:12
Alarm për bombë në qendrën tregtare “Toptani”. Mësohet se janë bërë edhe evakuime të qytetarëve.
Pas alarmit për bombë, shërbimet kanë nisur menjëherë kontrollet me qen anti-eksploziv, ku gjithashtu janë të pranishme edhe forcat xheniere.
“Rreth orës 20:10, shtetasi A. D, ka njoftuar sallën operative të DVP Tiranë se në email e tij ka ardhur një mesazh se në qendrën tregtare ku ai punon si shef security është vendosur një sasi lëndë plasëse, e cila do shpërthejë në orën 20:30.
Menjeherë në vendngjarje kanë shkuar shërbimet e Policisë, Forcat Xheniere dhe shërbimet e Antiterritorit, të cilët kanë kontrolluar qendrën dhe nuk kanë konstatuar asgjë të paligjshme. Grupi hetimor po punon për identifikimin e shtetasit që ka dërguar emailin dhe për sqarimin e rrethanave të rastit“, njoftojnë blutë.
