“Djegia e pallatit nga “Big Market””/ “Ora News” e kishte paralajmëruar rrezikun 1 vit më parë (FOTO+VIDEO)
Nga Alketa Çeku Përditësimi i fundit 16 Prill 2026, 15:24
Hetimet paraprake dhe pamjet filmike kanë konfirmuar se zjarri apokaliptik në pallatin 12-katësh të kompleksit Arlis e pati zanafillën te një stivë kartonësh të lënë jashtë ambienteve të “Big Market”, mbetje që nuk duhet të ishin aty.
Për këtë neglizhencë fatale, Policia e Shtetit prangosi menaxheren e marketit, ndërkohë që flakët, të ushqyera nga papërgjegjshmëria, "gëlltitën" brenda pak orësh investimin e një jete për dhjetëra banorë.
Kjo tragjedi nuk ishte thjesht një aksident, por një ngjarje e paralajmëruar një vit më parë.
“Ora News” ka denoncuar në një tjetër pikë të “Big Market” në Durrës, ku mbeturinat kishin pushtuar trotuaret në sfidë të hapur me sigurinë publike.
Sot, ajo arrogancë për të mos ndryshuar sistemin e funksionimit u kushtoi 30 familjeve gjithçka që kishin, duke i lënë në qiell të hapur përballë hirit të asaj që dikur e quanin shtëpi.
Më datë 23 shtator 2024 Një video denoncim mbërriti në televizionin “Ora News”. Një qytetare shprehet se “Big Market” që ndodhet në zonën e plazhit në Durrës ka bllokuar trotuaret, pasi jashtë çdo kriteri ka hedhur mbeturinat në mes të rrugës.
Më poshtë ndini video-denoncimin
